दौरिबे बारे’न में कस कें दुलत्ती दै दई

 दौरिबे बारे’न में कस कें दुलत्ती दै दई ।
रेंगबे बारे’नें मैराथन की ट्रॉफ़ी दै दई॥
 
इक जनानी वोट दै कें या तरें बिदकी कछू ।
जैसें वा नें काहु महिसासुर कों बेटी दै दई॥ 

मंच तक कैसें पहुँचती पीर वा मजदूर की ।
होठ जैसें ही हिले म्होंड़े में रोटी दै दई ॥
 
जन्म लीनौ जा कुआँ में बाई में मर जात हम ।
आप कौ आभार जो हाथ’न में रस्सी दै दई॥
 
आरती के बाद पण्डित जी नें यों बाँट्यौ प्रसाद ।
खुद्द नें लड्डू रखे हमकों पंजीरी दै दई॥